Lambot ng iyong mga labi, at tamis ng iyong halik,
Nanghahalina sa’kin ng walang pakli

Ligayang nadarama ay di mabatid,
Sa salita man ay kulang, di kayang maipahiwatig.

Sa kislap ng iyong mga mata kapag ika’y ngungimiti,
Pagod ay nawawala, sigla sa aking puso ay namumutawi.

Ipikit man aking mata, mapapangiti pa rin tuwina,
Sa mga alaala mo, simple man ngunit tunay na masaya.

Isang pagkakataong di matatawaran,
Ang makapiling ka’y tunay na saya.

Kung magising man sa pagkakahimbing, ako’y pipikit muli at matutulog ng mahimbing,
‘Pagkat kapanatagan ng loob ang syang maaabot sa iyong piling.

Sweet; like a cherry on an ice cream top — add zest to a bright yet ordinary day.

Gentle; soft as clouds where the angels sleep.

Passionate; drives you off freely to a far away place, with consuming emotion of love with grace.

Moment by moment, we’re getting to know each other.

Little by little, I’m pouring my self to you –
Until my heart is empty, until my heart is you.

Piece by piece, we’re building memories to keep;
Expressing unconditional love and gratitude as time permits.

For all we know, everything is just temporary,
And so, we’re enjoying each memory, loving each other completely.

In a blink of an eye, everything will end.
It may be a short time, i know we would still smile,
’cause that day came to bid you, a sweet dream, goodbye.

Di mo alam sa sarili kung ikaw ba ay manhid na,
O sadyang mapagpasensya at puno lamang ng pag-asa,
Sa buhay na’to, na ang pasakit mo ay hindi alintana.

Umiibig ka nga, yun ang dama mo, ngunit di mo mawari,
Kung ang puso mo ba ay tunay ngang nakakabit sa iyong pagkatao.

Dadaan ang mga araw na parang walang pinag-iba,
Wala kang mararamdaman kungdi ang paghinga

Matutulog ka ng mahimbing, di alam kung kailan magigising.
Ngunit, sa isang tapik lang sa tamang-oras, ikaw rin ay magkakaulirat,
Magbabalik-tanaw sa katotohanan na dapat mong hinaharap.

Thank you for the kindness that you have shown me

Thank you for the laughter and tears that moved me

For your dreams and ambitions, that day by day inspires me

For the endless support & unconditional love that you gave to me

For the firm faith and earnest heart that has changed me

For there are things we can’t control, which only the Omnipotent One knows, still,

I want to say thank you

ikaw na ang syang masisilayan ko.

Nakatingin ka sa akin,

kapanatagan nga ng kalooban ay nandoon na rin.

Ninanamnam ko ang bawat sandali,

Natapos na ang aking pag-aatubili,

Kaulayaw ko na nga ang sinasambit ko nang walang pakli.

Malalim man o hindi

Sa pagngiti ninuman,

Ika’y kasamang bumabati

Hatid ay tuwa,

Sa sinumang mang nakakakita

Nag-aanyaya sa umaga,

Tungo sa isang magandang simula

Tik-tak tik-tak tatahakin ang piniling landas

Tik-tak tik-tak mga pangarap mo ay papagaspas

Tik-tak tik-tak o buhay mo lang ba ay mawawaldas?

Tik-tak tik tak buhok mo ay kukupas

Tik-tak tik-tak bawat yabag mo ay magiging lakas

Tik-tak tik-tak mga salita mo ba ay mapawawalan lang ng malas?

Tik-tak tik-tak mga luha mo ay lalagaslas

Tik-tak tik-tak pagpikit ng mga mata, na syang huling magiging bukas

Tik-tak tik-tak hanggang sa hininga mo ay mautas

Pagdilat ng mata, pag-asa mo ay ipiniit

Mga mata mo na mapaniil, sa di kalayuan ay nakatingin

Naghihintay, nagmamasid, para sa sikmurang naniningil

Nagtyatyaga sa barya, matustusan lng ang pangangailangan,

Nitong buhay na aba, pati hininga ay bilang na

Lilibot kung saan-saan, bawat hakbang ay pag-asa

Hihinto pagkagat ng dilim, kahit na saan man abutin pa

Ginapos nga ng kapalaran, katahimikan mong inaasam

Ngunit masasabing kaisipan mo ba’y pinili nila?

Namulat ka sa maling sistema, ngunit sa iyong sarili ay hindi alintana

Hikahos man sa buhay, tingin sa sarili ay di dapat na maawa

Di nga dapat sayangin ang iyong luha, pagka’t dito’y wala naman mapapala

Sa iyo ngang paglaki, kaagapay lamang ang iyong sarili

Ngunit tinuligsa pati sarili, sanhi ng lipunang makasarili

Sa isang mundong itinakwil ka, sarili mo nga ay itinali

Nakuntento ka na muna sa gawaing mali, kahit luha pa ang syang maging sukli

Sa pagnanais mo na maingat ang sarili, kahit isangla mo na pati ang iyong puri

Dala nga ng kahirapan, inilugmok pa lalo ang iyong sarili

Sa mabahong estero, sa madalim na eskinita ka naglalagi

Sitwasyong kilakhan, sayo’y bumubuo

Sa iyong pagkatao, sa kaluluwa’t isipan mo

Sa mga mahal mo sa buhay, ika’y nga’y di mag-aatubili

Iaabot ang iyong kamay, kahit pa sa hukay ay di magsisisi

Sa isip mo nga ay wala kang magawa, di mo rin ginusto

Sayangin ang iyong buhay at mag-isip ng di wasto

Ngunit kung bibigyan ka ng pagkakataon, lahat ay itatakwil mo

Upang sa pagdilat muli ng iyong mga mata, naghihintay ay isang panibago

Kadiliman ay babalot, saan man nakatingin

Lagaslas ng tubig, himig sa pandinig

Kuliglig at kulisap, syang kasalo sa magdamag

Lagitik sa kakahuyan iyong mauulinigan

Alingawngaw nyang malakas, syang babasag sa katahimikan

Sa ihip ng malakas na hangin, daho’y unti-unting hahalik sa lupa

Mababasa’t matutuyo, kalauna’y sisimsimin na ng lupa

Kawayan na matayog, pipiliting ibaluktot

Yuyukod rin kapagdaka, upang lupa ay maabot

Patak ng ulan, dumampi sa bawat talulot

Dadaloy hanggang sanga, at sa ugat ay manunuot

Bituin sa kalangitan ay nagtatago sa karimlan

Upang sa takdang panahon muli’y masilayan

Sa kumpas ng panahon, ulap ay hahawiin

Maskara’y aalisin, sa tabing na seda, sa likod ng takip-silim

Pagkatapos ng unos, pag-asa’y biyaya

Magsisilbing sandata, pagyapos sa bagong pasimula

Matinding paghihirap, di mababanaag

Ligalig na nadama, lilipulin hanggang sa wala

Kapanatagan sa pulang ulap, sikat ng araw ay ganap

Paningin na ay nakatuon sa bawat pagkakataon

Katahimikan na, ay sa loob, nadama ng lubos

Pagsilip ng araw, liliwanagin ang sanlibutan

Iaabot ang mga palad, sa sinag ay ipamamalas

Magsasaboy ng ningning, pagkislap gayundin

Ibayong lakas at ligaya, kagalakan iyong maaatim

Kadakilaan ay sasambitin, kalooba’y saklawin

Tuklasin ang kapalaran, liwanagin ang daan

Hamog sa dahon ay marahang dumaloy,

Pagdilig sa sanga’t palumpong, sa sikat ng araw ay natuyo

Lamig ng simoy ng hangin, sa luntian ay hininga

Marikit na mariposa, huni ng ibon ay nagsisilbing melodiya

Tunay ngang isang hudyat, bagong umaga ay nakahanda na

Bigyan ngang diin, Pasasalamat ay bigkasin

Yumukod at gumalang, ihandog at magtanghal

Tanging iuusal, wagas Nyang pag-ibig nga’y nariyan